सुनसरी, २३ चैत ।
सुनसरीमा दुई समूहबिच झडप भएको छ । जिल्लाको हरिनगर गाउँपालिका– १ भुटाहामा एक युवकलाई निर्घात कुटपिट गरेको घटनाले उग्ररूप लिंदा दुई समूहबिच झडप भएको हो ।
झडपलाई नियन्त्रण गर्न प्रहरीले ६ राउन्ड हवाइ फायर गरेको छ । साथै झडपलाई नियन्त्रण गर्न प्रहरीले ११ राउन्ड अश्रूग्यास पनि प्रहार गरेको छ ।
दुई समूहबीच झडप भएपछि स्थानीय प्रशासनले अनिश्चितकालीन निषेधाज्ञा जारी गरेको छ । सुनसरीका कायममुकायम प्रमुख जिल्ला अधिकारी वेदराज फुयलले आज मध्याह्न १२ बजेदेखि लागु हुनेगरी अनिश्चितकालीन निषेधाज्ञा जारी गरेका हुन्। हरिनगर गाउँपालिकाका सबै वडा र देवानगन्ज गाउँपालिकाका वडा नम्बर १ र ७ मा अनिश्चितकालीन निषेधाज्ञा जारी गरिएको छ ।
बिहीबार एसइईको परीक्षा हुँदै गर्दा हरिहर गाउँपालिका वडा नम्बर १ स्थित बालकृष्ण माध्यमिक विद्यालयमा विद्यार्थीमाथि कुटपिट भएको थियो।
बिहीबारको झगडालाई लिएर दुर्इृ समूहबिच झडप भएको हो । झडपमा परेर चार जना घाइते भएका छन् । घाइतेको अवस्था सामान्य भएको प्रहरीले जनाएको छ ।
