मा प्रकाशित
महाेत्तरी, १२ वैशाख ।
महोत्तरीमा आगलागी हुँदा १ सय ५० बढी घरगाेठ जलेर नष्ट भएका छन् ।
जिल्लाकाे मटिहानी नगरपालिका वडा नम्बर ६ जरलहवा गाछीमा आगलागी हुँदा १ सय ५० वटाभन्दा बढी घरगोठ जलेका हुन् ।
आज बुधबार दिउँसो १२ बजेदेखि सुरु भएको आगलागीमा फुस, खर, पराल र केही पक्की गरी १ सय ५० वटाभन्दा बढी घरगोठ जलेका छन् ।
आगलागीमा अहिलेसम्म मानवीय क्षति भएको छैन तर पशुचौपाया, अन्नपात जलेर नष्ट भएका छन् ।
अहिले नगरपालिकासहित छिमेकी पालिकाका दमकलसँगै नेपाली सेना, नेपाल प्रहरी, सशस्त्र प्रहरी, स्थानीयवासीले आगो निभाउने प्रयास गरिरहेका छन् । दिउँसो खाना बनाउने समयमा जरलहवा गाछीमा आगलागी भएको थियो ।
