मा प्रकाशित
काठमाडौँ । दीपमाला ढकाल मिस नेपाल वर्ल्ड २०२६ घोषित भएकी छन्।
शनिबार द प्लाजा पुल्चोक ललितपुरमा आयोजित ग्राण्ड फिनालेमा ढकाललाई यस बर्षको मिस नेपाल घोषणा गरिएको हो ।
दीपमाला यसअघि मिस नेपाल हङकङ इन्टरनेसनल २०२६ समेत बनेकी थिइन् । उनी विश्वप्रसिद्ध लगानी व्यवस्थापन संस्था ब्ल्याकरकमा लगानी रणनीतिकारका रूपमा कार्यरत छन् । उनी तेक्वान्दोकी खेलाडी, र्याम्प मोडल, अन्तर्राष्ट्रिय कार्यक्रम सञ्चालक तथा म्याराथन धाविका पनि हुन् । दीपमालाको परिवारसँग पनि मिस नेपालको विशेष सम्बन्ध रहेको छ । उनकी आमाले सन् १९९४ मा आयोजित पहिलो मिस नेपाल प्रतियोगितामा प्रतिस्पर्धा गरेकी थिइन् ।
यसैगरी आर्या निशान्तले मिस नेपाल इन्टरनेसनल २०२६ को उपाधि जितेकी छन् भने काशिश सुब्बाले मिस नेपाल कोस्मो उपाधि जितेकी छन् ।
