मा प्रकाशित
कनिका खबर
भदौ २४, दाङ
क्यारेबियन प्रिमियर लिग (सीपीएल) टी–ट्वान्टी क्रिकेटको पहिलो सेमिफाइनलमा नेपाली लेग स्पिनर सन्दीप लामिछाने आबद्ध जमैका तलाबाज पराजित भएको छ । ब्रायन लारा क्रिकेट स्टेडियममा गएराति भएको खेलमा जमैका ट्रिनबागो नाइट राइडर्ससँग ९ विकेटले पराजित भएको हो । जमैकाले दिएको १ सय ८ रनको सामान्य लक्ष्य ट्रिनबागोले १५ ओभरमा मात्र १ विकेट गुमाएर पूरा गर्यो । अब ट्रिनबागोले उपाधिका लागि सेन्ट लुसिया जोउक्ससँग खेल्नेछ । आज बिहान भएको दोश्रो सेमिफाइनलमा सेन्ट लुसियाले गुएना अमेजन वारियर्सलाई १० विकेटले हराएको हो । फाइनल खेल बिहीबार हुनेछ ।
