हो मेरी आमा
उनै हुन् मेरी आमा
दुःखले घेरिएकी
सङ्घर्षमा नथाकेकी
कामको थकानले लथरान्न परेकी
कतै उकाली अनि ओरालीमा भेटिने
झुत्रेझाम्रे पहिरन गरेकी
हो तिनै हुन मेरो आमा ।
जसले आफ्नो पेट भोकै राखिन
मलाई पेटभरि खान दिइन्
आफू रोएर पनि मलाई हसाइन्
अनि आफ्ना दुःख मेरा खुसीसँग साटिन्
हो तिनै हुन् मेरो आमा
अरुको भन्दा केही फरक
यस मानेकी
मेरो आमा आमा मात्र होइनिन्
मेरो बाबामा पनि हुन् ।
कमै आमालाई अवसर आउँछ आमा र बाबा बन्न
त्यही अवसर पाएकी हुन् मेरी आमा
हो तिनै हुन् मेरी आमा
त्यसैले त मेरी आमा भगवान् हुन्
एउटी देवी हुन्
मेरा सफलताकी भण्डार हुन्