विश्वभर एकैदिन ३५ लाखभन्दा धेरै कोरोना सङ्क्रमित थपिएका छन् । योसँगै विश्वभर कोरोना सङ्क्रमण पुष्टि हुनेको सङ्ख्या ३४ करोड नाघेको छ । गत २४ घण्टामा ३५ लाख ४६ हजार नयाँ सङ्क्रमित थपिएसँगै विश्वभर कोरोना पुष्टि हुनेको सङ्ख्या ३४ करोड २९ लाख नाघेको वल्डोमिटरले जनाएको छ । यस्तै २४ घण्टामा ३० लाख निको भएसँगै कोरोना जित्नेको सङ्ख्या, २७ करोड ६२ लाख नाघेको छ ।
यस्तै ९ हजार सङ्क्रमितको भने मृत्यु भएको छ । अहिलेसम्म विश्वभर ५५ लाख ९२ हजार सङ्क्रमितको मृत्यु भएको छ । अझै पनि ६ करोड १० लाख सक्रिय सङ्क्रमित रहेकामा ९५ हजारको अवस्था जटिल रहेको र बाँकीको अवस्था सामान्य रहेको वल्डोमिटरले उल्लेख गरेको छ । अहिलेसम्म संयुक्त राज्य अमेरिकामा मात्रै संक्रमितको संख्या ७ करोड नाघेको छ ।
गत २४ घण्टामा ६ लाख ९२ हजार नयाँ सङ्क्रमित थपिँदा १ लाख ५५ हजार निको भएका छन् भने २ हजार ७ सयको मृत्यु भएको छ ।
