मा प्रकाशित
माघ १२, काठमाडौँ ।
सरकारले आजदेखि देशभरका भन्सार कार्यालयमा एकद्वार अनलाइन प्रणाली लागू गर्ने भएको छ ।
७० औँ अन्तर्राष्ट्रिय भन्सार दिवसको अवसरमा आजदेखि एकद्वार अनलाइन प्रणाली लागू गर्न लागिएको भन्सार विभागका महानिर्देशक नारायण प्रसाद सापकोटाले बताउनुभयो । यस वर्ष दिवसको नाराले भन्सार सम्बन्धी तथ्याङ्कको व्यवस्थापनलाई विद्युतीय माध्यममा लैजाने तय गरेको छ । त्यही अनुसार नेपालमा विद्युतीय माध्यमबाट तथ्याङ्क प्राप्ति र विश्लेषण गर्न आवश्यक सबै पुर्वाधारको एर्ककृत विकासमा जोड दिएको उहाँको भनाइ छ ।
यसै आर्थिक वर्षभित्र भन्सार एजेन्टको छनोट र इजाजत वितरण गर्ने तयारीमा रहेको पनि उहाँले बताउनुभयो । महानिर्देशक सापकोटाका अनुसार अहिले देशभर ३८ वटा भन्सार कार्यालय छन् । जनवरी २६ मा अन्तर्राष्ट्रिय भन्सार दिवस विश्वभर मनाउने गरिन्छ ।
