असोज ४, दाङ ।
९ दिनदेखि अनसनरत प्रा.डा.गोविन्द केसी पक्ष र सरकारबीच आज पनि वार्ता हुँदैछ । आइतवारदेखि सुरु भएको वार्तामा हालसम्म कुनै पनि सहमति हुन नसकेपछि आज पनि दुबै पक्षबीच वार्ता हुन लागेको हो ।
डा.केसी पक्षबाट वार्तामा सहभागी प्रितम सुवेदीका अनुसार वार्ता बिहान १० बजे स्वास्थ्य तथा जनसङ्ख्या मन्त्रालयमा हुनेछ । गत सोमवार कैलालीमा अनसन सुरु गर्नुभएका डा.केसीको स्वास्थ्य अवस्था जटिल बन्दै गएपछि चिकित्सकले काठमाडौं लैजान आग्रह गरेका छन् ।
अनसनरत डा. केसीको स्वास्थ्य अवस्था बिग्रँदै गएपछि वार्ता निष्कर्षमा पु¥याएर उहाँको जीवनरक्षा गरिदिन नेपाल चिकित्सक सङ्घले सरकारसँग माग गरेको छ । सेती प्रादेशिक अस्पतालले बहुविशेषज्ञ भएको विशिष्टिकृत अस्पतालमा स्थानान्तरण गर्न सुझाव दिएसँगै चिकित्सक सङ्घले अविलम्ब वार्ता निष्कर्षमा पु¥याउन आग्रह गरेको हो ।
डा. केसीको उपचारमा संलग्न चिकित्सकले हिजो केसीको पेटमा अल्सर भई आन्तरिक रक्तश्राव भएको आशङ्का गर्दै विशिष्टिकृत अस्पतालमा लैजान सुझाव दिएका थिए । विभिन्न ८ बुँदे मागसहित डा.केसीले २० औँ पटक अनसन बस्नुभएको हो ।
