मा प्रकाशित
कनिका खबर
भदौ १८, दाङ ।
दाङमा ८४ वर्ष पूरा भएका ज्येष्ठ नागरिकलाई अब घरमै स्वास्थ्य सेवा प्रदान गरिने भएको छ । स्वास्थ्य कार्यालय दाङले १० वटै स्थानीय निकायलाई परिपत्र गरी प्रदेश सरकार प्रदेश नं. ५ को आर्थिक वर्ष २०७७/०७८ को स्वस्वीकृत कार्यक्रम अनुसार ८४ वर्ष उमेर पुगेका ज्येष्ठ नागरिकलाई स्वास्थ्यकर्मीहरुद्वारा घरमै गएर स्वास्थ्य सेवा प्रदान गर्न सम्बन्धित स्थानीय निकायलाई निर्देशन दिएको छ ।
अहिले कोभिड १९ को महामारी र जोखिम बढेको भए पनि यस्तो विषम परिस्थितिमा विश्व स्वास्थ्य संगठन र नेपाल सरकारले बनाएको मापदण्डको पालना गरी सेवा प्रदान गर्न समेत अन्रोध गरिएको छ ।
