पत्रकारलाई दिइएको धम्कीप्रति महासंघको आपत्ति

कनिका खबर
भदौं २७, महोत्तरी
क्रसरको विषयमा समाचार लेख्ने पत्रकारलाई दिइएको धम्कीप्रति नेपाल पत्रकार महासंघले आपत्ति जनाएको छ । महासंघका महोत्तरी अध्यक्ष कमलेश मण्डलले एक विज्ञप्ती जारी गरी घटनाप्रति महासंघको गम्भीर ध्यानाकर्षण भएको बताउनुभएको छ । ‘जनप्रतिनीधिले गरेको टिप्पणीले हिंसालाई बढावा दिएको हाम्रो ठम्याई छ । आफ्नो वडा÷नगरमा अवैध उत्खनन् गर्ने कार्य नरोक्ने, विकास संरचनाको संरक्षणतर्फ उदाशिन देखिने तर यि विषय उठाउने पत्रकार विरुद्ध हात काट्ने र जिब्रो थुत्ने सम्मका टिप्पणीमा समर्थन जनाउने जनप्रतिनिधको काम उदेक लाग्दो नै छ ।’ ₋ विज्ञप्तीमा भनिएको छ, ‘प्रेस स्वतन्त्रताको धज्जी उडाउने र पेशामाथि नै प्रहार हुने गरी भएको घटनाको महासंघ घोर भत्र्सना गर्दछ ।’ महोत्तरीको बर्दिबास नगरपालिका ६ किसान नगरमा क्रसर माफियाले नदी उत्खनन् गर्न तटबन्ध भत्काएको समाचार लेख्ने पत्रकारलाई हात र जिब्रो काट्ने बर्दिवास १ निवासी बाबु चौलागाँईले धम्की दिएका थिए । तीन दिन अगाडी पत्रकारद्वय सुरेन्द्र सिंह र ललन मण्डलले क्रसर माफियाको बदमासीबारे समाचार लेखेका थिए । सोही विषयलाई लिएर सामाजिक सञ्चालमा हिंसालाई बढावा दिने खालको टिप्काटिप्पणी भइरहँदा बर्दिवास नगरपालिका वडा नम्बर ७ का वडा अध्यक्ष फाल्गुण सुश्लिङ्ग मगरले पत्रकारलाई हात र जिब्रो काट्ने चौलागाँईको टिप्पणीलाई बढावा दिएका छन् । बर्दिवास नगरपालिका स्थित रातु नदीमा सुमित बालुवा प्रशोधन उद्योगले अवैध उत्खनन्का लागि बाटो बनाउन तटबन्ध भत्काएको समाचार र भिडियो पत्रकार मण्डल र सिहंले बहिर ल्याएपछि बर्दिबास नगरपालिका ७ का वडाध्यक्ष मगरले फेसबुकमा लेखेको स्टाटसमा बाबु चौलागाईले पत्रकारको ‘हात र जिब्रो काट्ने’ भन्दै धम्कीपूर्ण भाषा प्रयोग गरेका छन् । महासंघले दोषीमाथि छानविन र कारबाही गरी सुरक्षित रुपमा पत्रकारलाई काममा लाग्ने वातावरणको सृजना गर्न जनप्रतिनीधि, सुरक्षा निकाय र सरोकारवाला सबैसँग माग गरेको छ । साथै घटनाको सत्यतथ्य बुझ्न ५ सदस्य छानविन समिति समेत महासंघले गठन गरेको छ । यस्तै, बर्दिबास नगर पत्रकार सञ्जालका अध्यक्ष विक्रम प्रसाद रौनियार र प्रेस संगठन नेपाल महोत्तरीका संयोजक राजकरण महतोले समेत संयुक्त रुपमा विज्ञप्ती जारी गरेर पत्रकारलाई जनप्रतिनिधिले प्रयोग गरेको धम्कीपूर्ण भाषाप्रति आपत्ति जनाएका छन् ।