मा प्रकाशित
कनिका खबर
असोज १, अछाम
पुर्वी अछामको कमलबजारमा लाग्ने प्रसिद्ध घाँसे मेला यस बर्ष नहुने भएको छ । हरेक बर्ष असोज १ गते लाग्ने मेला कारोना भाइरसको जोखिम बढ्न सक्ने सम्भावना भएकाले यस बर्ष कमल बजारमा कुनै पनि मेला पर्व नहुने कमलबजार नगरपालिकाका नगर प्रमुख ओम प्रकास बिष्टले जानकारी दिनुभयो । हरेक बर्षको कन्या संक्रातीका दिन लाग्ने मेलामा अछामी संकृती संग जोडिएका देउडा खेल , न्याउले खेल खेलिनुका साथै टाढा टाढा रहेका आफन्तजन संग भेटघाट गर्ने गरिन्छ । तर यस बर्ष भने विश्वब्यापी रुपमा फैलिएको माहामारीका कारण मेला नहुने भएको हो । नगर प्रमुख बिष्टले कमलबजारका सबै वडामा जानकारी गराइसकेको र गत बर्षका जस्तो आज दिउँसोनै त्रिपाल हालेर ब्यावसाय सन्चालन गर्ने गरेको भए पनि यस बर्ष केहि पनि गर्न नदिएको बताउनुभयो ।
