ओमप्रकाश गुप्ता
सिसहनियाँ १६ असोज ।
राप्ती नदीमा हाम फालेर मृत्यु भएका वृद्धको २४ घण्टा बितिसक्दा पनि सनाखत हुन सकेको छैन । बिहिवार ज्येष्ठ नागरिक दिवसकै दिन राप्ती नदीमा हाम फालेर वृद्धको मृत्यु भएको थियो । अन्दाजी ६५/७० वर्षका वृद्धको राप्ती नदीमा हाम फाल्दा मृत्यु भएको थियो । बाहुन क्षेत्री जस्तो देखिने वृद्धाले बिहीवार दिउँसो १ः४५ बजेको समयमा भालुवाङको राप्ती पुल नजिक तटबन्धन भएको ठाउँबाट हाम फालेको स्थानीयले देखेर प्रहरीलाई खवर गरेका थिए ।
नदीमा हाम फाली बगिरहेको अवस्थामा अस्थायी प्रहरी पोष्ट सातमराबाट गएको प्रहरी टोलीले उद्धार गरि उपचारका लागि लालमटिया स्वास्थ्य चौकी भालुवाङमा ल्याएका थिए । चेक जाँच गर्दा ती वृद्धको मृत्यु भइसइकेको स्वास्थ्य चौकीले पुष्टि गरेको थियो । मृतक वृद्धको शवको परिचय नखुलेपछि अहिले लमही अस्पतालको शव गृहमा नै राखिएको अस्थायी प्रहरी पोष्ट सातमराका प्रहरी नायव निरिक्षक देवबहादुर केसीले जानकारी दिएका छन् ।
मा प्रकाशित
