कनिका खबर
कार्तिक १, दाङ
अमेरिकामा कोरोना सङ्क्रमितको संख्या ८२ लाख नाघेको छ । पछिल्लो २४ घण्टामा थप ७१ हजार ६८७ जनामा कोरोना भाइरसको सङ्क्रमण पुष्टि भएको छ । योसँगै अमेरिकामा कोरोना सङ्क्रमित संख्या ८२ लाख ८८ हजार २७८ पुगेको छ । सङ्क्रमितमध्ये अहिलेसम्म ५३ लाख ९५ हजार ४०१ जना सङ्क्रमणमुक्त भएका छन् । उपचार गराइरहेका २६ लाख ६९ हजार २३३ जनामध्ये १५ हजार ३१८ जनाको अवस्था गम्भीर रहेको कोरोना भाइरसको तथ्याङ्क अपडेट गराइरहेको वल्डमिटर्सले जनाएको छ । यस्तै कोरोना भाइरसको सङ्क्रमणले मृत्यु हुनेको संख्या २ लाख २३ हजार नाघेको छ ।