कनिका खबर
कार्तिक १३, रौतहट
रौतहटका नेपाल प्रहरी प्रमुख एसपी सिद्धि विक्रम शाहले जिल्ला प्रहरी कार्यालय रौतहट मातहतका प्रहरी कर्मचारीहरूलाई निर्देशन दिनु भएको छ । रौतहटमा दिनानुदिन विभिन्न अपराधिक घटनाहरु घटने क्रम बढन थालेपछि प्रहरी प्रमुख शाहले आाफ्ना मातहतका प्रहरी कर्मचारीहरुलाई निर्देशन दिनु भएको हो । प्रहरी प्रशासनको मिलोमत्तोमा नै रौतहटमा चोरी निकासी तथा अपराधिक घटना घटेको आरोप लाग्दै आएकोले आफुले कडा निर्देशन दिनु परेको एसपि शाहले बताउनुभयो । उहाँले प्रहरी कर्मचारीहरुलाई तस्करी बन्द गर्ने , आचरण तथा वानी व्याहार सुधार गर्ने , झै झगडा वा प्रहरीको आवश्यक परेकोमा तुरुन्तै घटनास्थल पुग्न ,जुनसुकै ठाउँमा भए पनि ईमानदारी पूर्वक काम गर्ने बारेमा संझाउनुभएको छ । सबै मानिसहरूलाई सम्मान् व्याहार गर्ने , प्रहरी कर्मचारीहरुको गुनासो सुन्ने र व्यवस्थापन गर्ने , उच्च मनोबलका साथ कर्तव्य निर्वाह गर्ने , कुनै पनि घटना र कुराको समयमा रिपोर्ट गर्ने,अबैध चोरी तस्करीका माल समान पक्राउ परेमा तुरुन्तै जिल्ला प्रहरी कार्यालय वा सम्बन्धित ठाउँमा पठाउने, मानिसहरूलाई आनवश्यक दुखः नदिने लगायत निर्देशन दिइएको शाहले बताउनु भयो ।