मा प्रकाशित
कनिका खबर
कार्तिक १७, काठमाडौं
राष्ट्रपति विद्यादेवी भण्डारीले नवनियुक्त तीन जना राजदूतहरुले पद तथा गोपनियताको शपथ ग्रहण गराउनुभएको छ । उहाँले नवनियुक्त राजदूतहरु गेहेन्द्र राजभण्डारी, तापस अधिकारी र रामकाजी खड्कालाई शितल निवासमा पद तथा गोपनियताको शपथ ग्रहण गराउनुभएको हो । राजभण्डारी बेल्जियमका लागि, अधिकारी पाकिस्तानका लागि र खड्का जर्मनीका लागि नेपाली राजदूत नियुक्त हुनु भएको छ । यसअघि मन्त्रिपरिषदको सिफारिस र संसदीय सुनुवाइ समितिको अनुमोदनपछि राष्ट्रपति भण्डारीले ६ कात्तिकमा उहाँहरुलाई राजदूत नियुक्त गर्नुभएको थियो । शपथ ग्रहण समारोहमा परराष्ट्रमन्त्री प्रदीक कुमार ज्ञवाली र नेपाल सरकारका उच्च पदस्थ अधिकारीहरुको समेत उपस्थिति रहेको राष्ट्रपति कार्यालयले जनाएको छ ।
