कनिका खबर
कार्तिक १७,
युएईमा जारी १३ औं संस्करणको इन्डियन प्रिमियर लिग (आईपीएल) टी–ट्वान्टी क्रिकेटमा आज दिल्ली क्यापिटल्स र रोयल च्यालेन्जर्स बैंगलोरबीच प्रतिस्पर्धा हुँदैछ । नेपाली लेग स्पिनर सन्दीप लामिछाने आवद्ध दिल्लीले आबुधाबीमा बैंगलोरसँग लिग चरणको अन्तिम खेल्न लागेको हो । दिल्ली र बैंगलोरबीचको खेल नेपाली समय अनुसार आज राति पौने ८ बजे सुरु हुनेछ । शेख जायद क्रिकेट स्टेडियममा हुने खेलमा दुबै टिम जितको खोजीमा हुनेछ । लिग चरणको अन्तिम खेलका लागि मैदान उत्रदा दिल्ली र बैंगलोरलाई प्ले अफ पुग्न जित बाहेक अन्य विकल्प छैन । त्यसैले यस खेल रोमान्चक हुने अनुमान गरिएको छ । श्रेयस एयरको कप्तानीमा मैदान उत्रने दिल्ली १३ खेलमा १४ अङ्क जोडेर तालिकाको तेस्रो स्थानमा रहेको छ । समान खेलमा समान अङ्क जोडेपनि विराट कोहलीको कप्तानीमा रहेको बैंगलोर दोस्रो स्थानमा रहेको छ ।
मा प्रकाशित