मा प्रकाशित
कनिका खबर
कार्तिक २७, रामेछाप
तिहारको अवसरमा रामेछापमा देउसी भैलो खेल्नका लागि स्थानीय प्रशासनले प्रतिबन्ध लगाएको छ । जिल्ला प्रशासन कार्यालय रामेछापले सूचना जारी गरी उक्त कार्यलाई निषेध गर्ने जनाएको हो । प्रमुख जिल्ला अधिकारी रुद्रादेवी शर्माद्वारा जारी सूचनामा पटका, आतसबाजीलगायत विस्फोटक पदार्थको आयात, सञ्चय र प्रयोग तथा जुवातास खेल्ने र खेलाउने कार्यमा समेत निषेध गरिएको उल्लेख छ । जिल्लामा कोभिड–१९ को संक्रमणको दर बढिरहेको सन्दर्भमा प्रजिअ शर्माले चाडपर्व मनाउँदा जो जहाँ छ, त्यही मनाउनका लागि आग्रह गर्नुभएको छ । सूचनाको बर्खिलाप गरेमा स्थानीय प्रशासन ऐन २०२८ र सङ्क्रमण ऐन २०२० बमोजिम कारबाही गर्ने चेतावनीसमेत दिइएको छ ।
