प्रेमबहादुर राम्जा मगर
१०, मंसिर, दाङ ।
अटो दुर्घटनामा घाइते भएका चार जनाको बबई गाउँपालिका अध्यक्ष भुबनेश्वर पौडेलले उद्धार गर्नुभएको छ । घोराही जाने क्रममा पालिका अध्यक्ष पौडेलले तुलसीपुरको कुमलगडीबाट उद्दार गरेका छन् ।
उनीहरुको तुलसीपुरको राप्ती प्रादेशिक अस्पतालमा उपचार भइरहेको छ । कुमलगडीमा अनियन्त्रित भएर दुर्घटना हँुदा चार जना घाइते भएका छन् । प्रहरीका अनुसार घाइते हुनेहरुमा बाँकेको कोहलपुर नगरपालिका २ फरेलाका रहेका छन् ।
ईलाका प्रहरी कार्यालय तुलसीपुरले दिएको जानकारी अनुसार बाँकेको कोहलपुर २ फरेला निबासी ३८ बर्षीय झकी कनौ मगर, १० बर्षका उमेश वली, ७ बर्षका सञ्जय कनौ मगर र गणेश थापा रहेका छन् । भे १ ह ३५४७ नम्बरको अटो दुर्घटनामा परेको हो ।
घाइते अबस्थामा रहेका उनीहरुलाई बबई गाउँपालिकाको गाडीमा राखेर तुलसीपुरसम्म लगिएको थियो । उनीहरुको उपचार जारी रहेको प्रहरीले जनाएको छ । घाइतेमध्ये झकी कनौ मगर गम्भीर रहेको जनाइएको छ ।
