मा प्रकाशित
हो गर्न सक्छु म सबैको आदर गजल लेखेर।
ढाल्न सक्छु बिस्तारबादी पिलर गजल लेखेर।
मलाई मार्न भनेर जति षडयन्त्र गर तिमी,
पचाउन सक्छु दुस्मनका जहर गजल लेखेर।
नहेप जहिले पनि तेरो औकात के छ भनी,
पानी माथि नै गर्न सक्छु सफर गजल लेखेर।
कडा मुटु छ पग्लिन्न म भनेर भन्छ्यौ तिमी,
पगालेर रुवाउन सक्छु धरधर गजल लेखेर।
कुनै दिन तिमीलाई हुनेछ कहाँ देखु कहाँ भेटु,
र त म सजिलै बदल्छु तिम्रो थर गजल लेखेर।
नवराज खरेल।
स्वर्गद्वारी प्यूठान।
हाल दाङ।