अमेरिकामा कोरोना भाइरसको अर्को लहर आउने चेतावनी – Kanika Khabar
Saturday, September 25Nepali News Portal

अमेरिकामा कोरोना भाइरसको अर्को लहर आउने चेतावनी

    मा प्रकाशित

कनिका खबर
मंसिर २३, दाङ
अमेरिकाका वरिष्ठ सङ्क्रामक रोग विज्ञ डाक्टर एन्थोनी फाउचीले क्रिसमसपछि अमेरिकामा कोरोना भाइरसको अर्को लहर आउने चेतावनी दिनुभएको छ । क्रिसमस र नयाँ वर्षको छुट्टीको समय थप चुनौतिपूर्ण बन्न सक्ने र त्यो नयाँ लहर ल्याउने कारक बन्न सक्ने उहाँले चेतावनी दिनुभएको छ । सीएनएनसँग कुराकानी गर्दै डा. फाउचीले लामो बिदाको समय भएकाले यसले परिस्थितिलाई थप जटिल बनाउन सक्ने बताउनुभयो । फाउचीलाई राष्ट्रपति निर्वाचित जो बाइडनले कोभिडका विषयमा आफ्नो प्रमुख चिकित्सा सल्लाहकारको रूपमा काम गर्न आग्रह गर्नुभएको छ । अमेरिकामा पछिल्लो समय कोरोना सङ्क्रमितको संख्या औसतमा दैनिक दुई लाख पुग्दै आएको छ । अस्पतालहरू कोरोना भाइरसका बिरामीले भरिन थालेपछि अमेरिकाका दुई ठूला राज्यहरू क्यालिफोर्निया र न्युयोर्कले खराब जनस्वास्थ्य सङ्कटको चेतावनी दिएका छन् । अमेरिकामा अहिले १ करोड ५३ लाखभन्दा धेरैलाई सङ्क्रमण भएको छ । २ लाख ९० हजारभन्दा धेरै संक्रमितको मृत्यु भएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्