फागुन १६, दाङ ।
दाङकाे तुलसीपुरमा एक महिला ब्राउन सुगरसहित पक्राउ परेका छन् ।
पक्राउ पर्ने न्यायधीशकी श्रीमती रहेकी छिन् ।
तुलसीपुर उपमहानगरपालिका वडा नं. ५ निवासी ४२ वर्षीया तुलसा पोखरेल आइतवार दिउँसो ब्राउन सुगरसहित पक्राउ परेको इलाका प्रहरी कार्यालय तुलसीपुरका प्रमुख शिबबहादुर सिंहले जानकारी दिए ।
प्रहरीले तुलसीपुर बजारस्थित पोखरेलको घर अगाडि पार्किङ गरेर राखेको पोखरेलको रा ५ प ७१४६ नम्बरको स्कुटरको डिक्कीभित्र राखेको अवस्थामा प्लाष्टिकसहित तौलगर्दा २.२२ ग्राम ब्राउन सुगर बरामद भएको डिएसपी सिंहले बताए ।
इलाका तुलसीपुर र जिल्ला प्रहरी कार्यालय घोराहीबाट खटिएका साधा पोसाकका प्रहरीले गोप्य सूचनाका आधारमा पोखरेलको स्कुुटरमा प्रतिबन्धित लागुऔषध बरामद बरामद गरेपछि पोखरेललाई नियन्त्रणमा लिएको थियो ।
पोखरेलका श्रीमान मदन पोखरेल उच्च अदालत सुर्खेतमा न्यायाधीशका रुपमा कार्यरत छन् ।
पक्राउ परेकी पोखरेल नेपाल कम्युनिष्ट पार्टी (नेकपा) ओली समुहकी जिल्ला कमिटी सदस्य पनि हुन ।
पक्राउ परेकी पोखरेलले आफूलाई फसाइएको तथा आफ्नो स्कुटरमा फेला परेको ब्राउन सुगरबारे आफूलाई थाहा नभएको भन्दै आफ्नो बचाउ गर्ने प्रयास गरिरहेको प्रहरी अधिकारीले जनाएका छन् ।
पोखरेललाई इप्रका तुलसीपुरको थुनुवा कक्षमा राखेर आवश्यक अनुसन्धान भइरहेको प्रहरीले जनाएको छ ।
