मा प्रकाशित
फागुन २०, काठमाडौँ ।
काँग्रेस संसदीय दलको बैठक भोलि शुक्रबार बस्ने भएको छ । नयाँ बानेश्वर स्थित संघीय संसद् भवनको ल्होत्से हलमा उक्त बैठक बस्ने काँग्रेस संसदीय दलको कार्यालयले जनाएको छ ।
दिउँसो १ बजे बस्ने बैठकमा प्रधानमन्त्री केपी शर्मा ओलीविरुद्ध अविश्वास प्रस्ताव, विकासित पछिल्लो राजनीतिक घटनाक्रमबारे छलफल हुने छ ।
प्रधानमन्त्री केपी शर्मा ओलीले नेकपा विवादलाई अड्काएर आफू नेतृत्वको सरकारलाई टिकाइराख्न चाहेपछि काँग्रेसले पूर्वनिर्णयबाट पछि हट्न सक्ने संकेत दिएको छ । प्रतिनिधिसभा विघटनको निर्णय बदर भएपछि गत बिहीबार बसेको काँग्रेस पदाधिकारी बैठकले नेकपा वैधानिक रूपमा विभाजित भइनसकेको अवस्थामा दुवै पक्षलाई निषेध नगरी अघि बढ्ने निर्णय लिएको थियो ।
