देविराम कुसारी
शितलपुर, १३-जेठ।
तुलसीपुर उपमहानगरपालिका १२ उरहरीका प्रविण केसीले निशुल्क अटो एम्बुलेन्स सञ्चालन गरेका छन् । उरहरी घर भई हाल रोजगारीको सिलसिलामा अमेरीका बस्दै आएका प्रविण केसीले निशुल्क रुपमा अटो एम्बुलेन्स सञ्चालन गरेका हुन् ।
कोरोना महामारीबाट प्रभावित भएका अति विपन्नलाई सेवा दिने उद्देश्यले निशुल्क रुपमा अटो एम्बुलेन्स सञ्चालन गरेको केसीले बताए । केसीले तुलसीपुर १२ का रा १ ह ४१९२ र रा१ह २३७१ नम्बरका दुई अटो एम्बुलेन्स सञ्चालनमा ल्याएको र अटो सञ्चालनको जिम्मा जस्पुरका हरिप्रसाद बुढाथोकीलाई दिइएको छ ।
कसैलाई समस्या परेमा बुढाथोकीको मोबाइल नम्वर ९८५७८२३६९४ मा सम्पर्क गर्न पनि आग्रह गरिएको छ । केसीले शितलपुरको काठ वैंक तथा घाट व्यवस्थापन समितिलाई पनि आर्थिक सहयोग गरेका थिए ।