मा प्रकाशित
जेठ २५, दाङ ।
फिफा विश्वकप–२०२२ तथा एसियन कप–२०२३ अन्तर्गत दोस्रो चरणको छनोटमा नेपाल जोर्डनसँग पराजित भएको छ ।कुवेतमागयराति भएको खेलमा नेपाल जोर्डनसँग ३–० गोल अन्तरले पराजित भएको हो ।
जोर्डनलाई जित दिलाउन बाहा फाइजल सिफले दुई गोल गर्नुभयो भने याजन अलले एक गोल गर्नुभयो । जितसँगै समूह ‘बी’ मा रहेको जोर्डनले ६ खेलमा १३ अङ्क जोडेको छ । नेपालले भने ७ खेलमा ६ अङ्क मात्रै जोड्न सकेको छ ।
नेपालको विश्वकपमा छनोट हुने आशा समाप्त भईसकेको छ । तर, नेपालको एसियन कप छनोटको सम्भावना भने रहेको छ ।अब नेपालले समूह चरणको अन्तिम खेलमा अष्ट्रेलियासँग खेल्नेछ । अन्तिम खेलमा पराजित भएमा नेपाललाई प्लेअफको बाटोबाट एसियन कप छनोटको तेस्रो चरणमा पुग्ने बाटो समेत रहेको छ ।
