मा प्रकाशित
साउन १२,काठमाडौँ ।
स्वास्थ्य तथा जनसङ्ख्या मन्त्रालयले विदेश जाने श्रमिक र विद्यार्थीको लागि कोरोनाविरुद्धको खोप लगाउन दुई वटा अस्पताल तोकेको छ ।मन्त्रालयले एक सूचना जारी गर्दै अबदेखि विदेश जाने श्रमिक र विद्यार्थीले उपत्यकाको प्रहरी अस्पताल र सैनिक अस्पतालमा गएर कोरोनाविरुद्धको खोप लगाउन सक्ने जनाएको छ ।
खोप लगाउनको लागि पासपोर्ट र भिसा अनिवार्य देखाउनुपर्ने छ ।आफूलाई पायक पर्ने यी दुई अस्पतालमा गएर खोप लगाउन मन्त्रालयले भनेको छ ।पछिल्लो समय विभिन्न देशहरुले बाहिरबाट आउने कामदार र विद्यार्थीलाई कोरोना खोप अनिवार्य गरेपछि नेपाल सरकारले पनि खोपमा प्राथमिकता दिने निर्णय गरेको छ ।
