मा प्रकाशित
एजेन्सी ।
बंगलादेशमा लामो समयदेखि बन्द रहेको विद्यालय तथा क्याम्पस आउदो हप्ताबाट सुरु गरिने भएको छ । बंगलादेशमा आगामी सेप्टेम्बर १२ देखि विद्यालयहरु पूनःसञ्चालन गर्ने तयारी भैरहेको छ । बंगलादेश सरकारले विद्यालय तथा क्याम्पस पूनःसञ्चालन गर्ने घोषणा गर्दै त्यसका लागि तयारी समेत गर्न सरोकारवाला सबैलाई आह्वान गरेको छ । कोरोना भाइरसको महामारीका कारण बन्द भएका विद्यालय तथा क्याम्पस झण्डै १८ महिना पछि पुनः सञ्चालन हुने भएको अधिकारीले जनाएका छन् ।
बंगलादेशका शिक्षा मन्त्री दिपु मोनीले विद्यालय खुल्ला गरिएपनि सुरुमा परिक्षा आउन लागेका विद्यार्थीको मात्रै पठन पाठन सुरु गरिने बताउनुभएको छ । बंगलादेशमा कोरोना भाइरसका कारण अहिले सम्म १५ लाख १० हजार २८३ जना सङ्क्रमित भएका छन् भने तीमध्ये २६ हजार ४३२ जनाको मृत्यु भएको छ ।
