भदौ २७, दाङ ।
नेकपा एमाले अध्यक्ष केपी शर्मा ओलीले सभामुख अग्नी सापकोटाले नेकपा एमाले विभाजन गराउन सहयोग गरेकाले संसद अवरुद्ध गर्नु परेको बताउनुभएको छ । आज संसद भवनमा आयोजित संसदीय दलको बैठकलाई सम्बोधन गर्दै अध्यक्ष ओलीले संसद अवरुद्ध जारी रहने बताउनुभयो ।
सत्ता गठबन्धन गलत बाटोमा हिँडेको , नेकपा एमाले विभाजन गराउन सभामुखको गैरकानुनी संलग्नता देखिएको अध्यक्ष ओलीको भनाइ रहेको थियो । सभामुखले गैर कानुनी काम गरेपछि आफुले विरोध जनाउनु परेको उहाँको भनाइ थियो ।
उहाँले सभामुखको व्यवहारकै कारणले बजेट पास गर्न दिनुपर्ने भएपनि दिने अवस्था नभएको बताउनुभयो । यस्तै उहाँले आफ्ना सांसदलाई संसद भित्र विरोध जनाउँदा मर्यादित हुन पनि निर्देशन दिनुभयो ।