असोज ४, दाङ ।
नेकपा एमलोको स्थायी कमिटीको बैठक आज पनि बस्दैछ । दिउँसो १ बजे तुलसिलाल स्मृति प्रतिष्ठानको कार्यालयमा बैठक सुरु हुने एमाले नेताहरूले बताएका छन् । हिजोको स्थायी कमिटी बैठकमा पेश भएको विधान संशोधनसम्बन्धी प्रस्तावका बारेमा बाँकी नेताहरूले धारणा राख्ने भएका छन् ।
प्रस्तावमा ७० वर्षे उमेर हद कायमै राख्ने उल्लेख गरिएको छ ।
नवौं महाधिवेशनदेखि एमालेमा ७० वर्षको उमेर हदको व्यवस्था राखिएको थियो । तर अध्यक्ष केपी शर्मा ओली पक्ष सहभागी स्थायी कमिटी बैठकले यसअघि उमेर हदको प्रबन्ध हटाउने निर्णय गरेको थियो ।
असोजको १५ देखि १७ गते हुने विधान महाधिवेशनमा प्रस्तुत गरिने प्रतिवेदनमाथि स्थायी कमिटी बैठकमा छलफल गरिने एमाले नेता अमृत कुमार बोहराले बताउनुभयो ।
प्रस्तावमाथिहिजो उपाध्यक्ष युवराज ज्ञवाली, उपमहासचिव घनश्याम भुसाल, स्थायी कमिटी सदस्यहरु बोहरा, केशव बडाल र पुष्प कँडेलले टिप्पणी राख्नुभएको थियो ।
