खगेश्वर पौडेल
जेठ २८, दाङ
चीन सरकारले परम्परागत चिनियाँ औषधीहरुको निर्माणमा प्रयोहुने सामग्रीको सूचिबाट पेयङ्गोलिनको कत्लालाई हटाएको छ । चिनिया सरकारी संचार माध्यमका अनुसार चिनिया फर्माकोपिया (परम्परागत चिनियाँ र पश्चिमी औषधीहरुको सरकारी सूचि) मा पेयङ्गोलिनको कत्लालाई समावेश गरिएको छैन् ।
चीन सरकारको यस कदमलाई अभियानकर्ताहरुले विश्वको सवैभन्दा बढी बेचबिखन हुने स्तनपायी जन्तु पेयङ्गोलिनको संरक्षणको लागि चालिएको कडा कदम भनेर ब्याख्या गरेका छन् । पेयङ्गोलिनहरुको शरीर कत्लाहरुले छोपीएको हन्छ भने यसको आकार लगभग घरपालुवा विरोलोको जत्रो हुन्छ । किराहरु खाने यो जनावर एशियामा मासु र कत्लाको लागि अत्यधि मूल्यमा खरिद बिक्री हुने गरेको छ ।
गतवर्ष मात्रै अधिकारीहरुले १३०टन भन्दाबढी पेयङ्गोलिनसंग सम्बन्धित सामग्रीहरु कब्जा थिए जसलाई सख्यामा लग्दा करिव ४०००००को हाराहारीमा हुन आउने संरक्षण समूह वाइल्डएडले जनाएको छ । एशिया र अफ्रिकामा आठ किसिमका पेयङ्गोलिनहरु पाइन्छ । प्रकृतिको संरक्षणका लागि अन्तर्राष्ट्रिय संघले तीन प्रकारका पेयङ्गोलिनहरु«–चिनियाँ पेयङ्गोलिन, फिलिपिन्स पेयङ्गोलिन र सुन्डा पेयङ्गोलिन, जुन दक्षिण पूर्वी एशियामा पाइन्छन, लाई गंभीर खताराको सूचीमा सामेल गरेको छ भने भारतिय पेयङ्गोलिन सहित अन्य पाँच प्रकारका पेयङ्गोलिनहरुलाई जोखिमको सूचिमा राखेको छ ।
पेयङ्गोलिनको कत्लाहरु केराटिनबाट बनेको हुन्छ जुन तत्व मानिसहरुको औलाहरु र गैडाको खागमा पनि पाइन्छ । परम्परागत चिनियाँ औषधी निमार्णकर्ताहरुलो यसले रक्त संचारमा सुधार गर्नका साथै सूजन कम गर्न काम गर्ने विश्वास गर्दछन् ।
(एजेन्सिको सहयोगवाट)
