मा प्रकाशित
असोज २२, दाङ ।
भारतबाट १० लाख मात्रा कोभिशिल्ड खोप आज नेपाल आउने भएको छ । नेपालले सात महिनाअघि भारतसँग खरिद गरेको कोरोनाविरुद्धको कोभिशिल्ड खोप आउने निश्चित भएको स्वास्थ्य सेवा विभागको आपुर्ति व्यवस्था प्रमुख उपेन्द्र ढुङ्गानाले जानकारी दिनुभयो ।
सरकारले भारतको सेरम इन्स्टिच्युटसँग २० लाख मात्रा खोप खरिदका लागि सम्झौता गरेर रकम पठाएको थियो । त्यसमध्ये १० लाख मात्रा खोप आउन लागेको हो ।
आज दिउँसो २ बजे १० लाख मात्रा खोप आइपुग्ने ढुङ्गानाले बताउनुभयो । यो खोप पहिलो मात्रा एस्ट्राजेनेका लगाएका नागरिकलाई दिइने भएको छ ।
