असोज २५, दाङ ।
प्रमुख प्रतिपक्षी नेकपा एमालेले रुपन्देहीको मोतिपुरमा सुकुम्बासीको हत्या गरेको भन्दै प्रतिनिधिसभामा सरकारको विरोध गरेको छ । तारान्तार संसद अवरोध गरिरहेका एमाले सांसदहरूले आज पनि जारी राख्दै सदनमा गोली हान्न पाइँदैन, जनता मार्न पाइँदैन लगायतका नारा लगाए ।
हिजो रुपन्देहीको मोतिपुर क्षेत्रमा प्रहरी र अतिक्रमणकारीबीच झडप हुँदा ४ जनाको मृत्यु भएको थियो । केही सुरक्षाकर्मी घाइते भएका थिए । प्रमुख प्रतिपक्षी नेकपा एमालेले रुपन्देहीको मोतिपुरमा सुकुम्बासीको हत्या गरेको भन्दै राष्ट्रियसभामा पनि आपत्ति जनाएको छ । प्रमुख सचेतक खिमलाल भट्टराईले नागरिकको हत्या गरेर सरकारले दसैँका बेला सुकुम्बासीका लागि दशा तिम्त्याएको आरोप लगाउनुभयो ।
अरुका लागि दसैँ आएको छ तर सुकुम्बासीका लागि दशा बनेर आएको उहाँको भनाइ थियो । घटनाको छानविनमा सरकारले तत्परता नदेखाएको भन्दै उहाँले घाइतेको उपचार र मृतकलाई क्षतिपूर्ति दिन मागगर्नुभयो । भट्टराईले गृहमन्त्रीमाथि नैतिकताप्रश्न उठेको समेत टिप्पणी गर्नुभयो ।