हुथी विद्रोहीका विरुद्धमा गरेको कारबाहीमा परी ९ जनाको मृत्यु

यमनमा रहेको साउदी अरेबिया नेतृत्वको सेनाले हुथी विद्रोहीका विरुद्धमा गरेको कारबाहीमा परी ९ जनाको मृत्यु भएको छ । केही दिनयता देखि सो सेनाले कारबाहीलाई निरन्तरता दिएको बताइएको छ ।

सेनाले हिजो गरेको यस्तै कारबाहीमा परी ९ जना हुथी विद्रोही मारिएका साउदी अरेबियाको सेनाले बताएको छ । सो सेनाले यमनको मध्यक्षेत्रमा पर्ने मारिब प्रान्तमा हुथीहरुका विरुद्धमा कारबाही गर्ने गरेको थियो ।

हालैका केही दिनहरुमा पनि सेनाले सो कारबाहीलाई निरन्तरता दिएको बताइएको छ । मारिबमा हुथी विद्रोहीहरुको कार्यालय रहेको स्थानलाई पनि सेनाले घेरा हालेर आक्रमण गरी ध्वस्त बनाएको जनाएको छ ।