मा प्रकाशित
कार्तिक ४, दाङ ।
नेकपा एमालेको स्थायी कमिटीको बैठक आजका लागि आह्वान गरिएको छ । बैठक आज दिउँसो ३ बजे ललितपुरको च्यासलस्थित तुल्सीलाल स्मृति प्रतिष्ठानको भवनमा बस्ने कार्यालय सचिव शेरबहादुर तामाङले जानकारी दिनुभयो ।
बैठकमा विधान महाधिवेशनको समीक्षा, वडा, पालिका अधिवेशनलगायत विषयमा छलफल हुने उहाँले बताउनुभयो । यस्तै बैठकमा राष्ट्रिय महाधिवेशन र हालै भएको अविरल वर्षाका कारण भएको जनधनको क्षति सम्बन्धमा पनि छलफल हुने बताइएको छ । एमालेको यही कात्तिक ६ गते वडा र ९ गते पालिका अधिवेशन हुने भएको छ ।