मा प्रकाशित
विभागीय टिम एपीएफ क्लबले सहिद स्मारक ए डिभिजन लिग फुटबलमा पहिलो जित निकालेको छ । आज भएको खेलमा फ्रेन्ड्स क्लबलाई ३ – १ गोल अन्तरले पराजित गर्दै एपीएफले पहिलो जित निकालेको हो ।
एपीएफलाई जित दिलाउन आशिष लामाले दुई गोल गर्नुभयो भने बिकी तामाङले एक गोल गर्नुभयो । फ्रेन्ड्सका प्रिजेन तामाङले एक गोल फर्काउनुभएको थियो । जितसँगै एपीएफले ५ खेलमा ४ अङ्क जोडेको छ । एपीएफ ११ औं स्थानमा उक्लिएको छ । फ्रेन्ड्सले ५ खेलमा २ अंक जोडेको छ । फ्रेन्ड्स भने पुछारमा रहेको छ ।
