मा प्रकाशित
पुस ११, दाङ ।
आगामी माघ १२ गते हुने राष्ट्रियसभा निर्वाचनका लागि निर्वाचन आयोगमा १२ दल दर्ता भएका छन् । निर्वाचन आयोगका प्रवक्ता शालिग्राम शर्मा पौडेलले माओवादी केन्द्र, नेकपा एमाले, एकीकृत समाजवादी, नेपाली काँग्रेस राष्ट्रिय जनमोर्चा पार्टी, लोकतान्त्रिक समाजवादी पार्टी नेपाल, राष्ट्रिय प्रजातन्त्र पार्टी लगायत दलले निर्वाचनमा भाग लिन दर्ताका लागि निवेदन दिएको बताउनुभयो ।
आयोगका अनुसार पुस २० देखि २५ गतेसम्म उम्मेदवारको अन्तिम नामावली र दललाई निर्वाचन चिन्ह प्रदान गर्ने कार्यक्रम तय भएको छ । आगामी फागुन २० गते रिक्त हुने १९ सदस्य पदका लागि राष्ट्रियसभाको निर्वाचन हुन लागेको हो ।
