मा प्रकाशित
कनिका संवाददाता
असार ५, लमजुङ
लमजुङ कारागारबाट फरार भएका एक कैदीलाई लमजुङ प्रहरीले पक्राउ गरेको छ । कर्तव्य ज्यान मुद्दामा २०६९ पुस २२ गतेदेखि सजाय भोग्दै आएका बर्ष २७ का दिनेश परियारलाई बिहीबार बिहान ५ बजे पक्राउ गरिएको डीएसपी गंगाबहादुर थापाले बताउनुभयो ।
आफ्नै नेतृत्वमा रहेको टोलीले बेंसीशहर नगरपालिका–२ भकुण्डेमुनी मस्र्याङ्दी किनारबाट कैदी परियारलाई पक्राउ गर्न सफल भएको उहाँले जानकारी दिनुभयो । बुधबार ४ बजेदेखि कारागारमा नरहेका उनलाई १३ घण्टामा प्रहरी पक्राउ गरेको हो ।
राइनास नगरपालिका १० कोकेगाउँ घर भएका परियारलाई कर्तव्य ज्यान मुद्दामा जिल्ला अदालत लमजुङले २०६९ चैत १५ गते २० वर्षको कैद फैसला सुनाएको थियो ।
