भदौ २४, दाङ ।
निजी तथा आवासीय विद्यालय अर्गनाइजेसन नेपाल (प्याब्सन) तुलसीपुर नगर समितिकाे आयाेजनामा मा.वि. स्तरीय वक्तृत्वकला प्रतियोगिता सम्पन्न भएकाे छ ।
तुलसीपुर नगर प्याब्सनले एक कार्यक्रम आयाेजना गरी वक्तृत्वकला तथा एसइइ परीक्षा २०७८ मा तुलसीपुर क्षेत्रमा सर्वोत्कृष्ट जिपिए प्राप्त गर्ने छात्र छात्राहरूलाई सम्मान कार्यक्रम सम्पन्न गरेकाे हाे । प्याब्सन तुलसीपुर नगर समितिका अध्यक्ष गिरिराज डाँगीकाे अध्यक्षता तथा प्याब्सनका निवर्तमान केन्द्रीय सदस्य केशव थापाकाे प्रमुख आतिथ्यतामा कार्यक्रम सम्पन्न भएकाे थियाे ।
वक्तृत्वकला कार्यक्रममा तुलसी माविका लक्ष्मी हमाल र हिमाल एकेडेमीका अन्जली शाह प्रथम, फ्राेर्टीनाइन माविका शिखा न्यौपाने द्वतीय,हाम्राे पहुँचका सुदिप भण्डारी तृतीय र दिव्यज्याेति माविका आयुष्मा शर्मा र आइडियल माविका क्रिस्टिना बुढाथोकीले सान्त्वना स्थान प्राप्त गरेका थिए ।
त्यस्तै कार्यक्रममा २०७८ काे एसइइ परीक्षामा सर्वोत्कृष्ट जिपिए ल्याउने विद्यार्थीलाई सम्मानित गरिएकाे थियाे ।
सम्मानित हुनेमा अमर इङलिस स्कुलका विनोद पौडेल ( ३.९५), प्रिन्स न्यौपाने (३.९५), प्रगति शर्मा ( ३.९० ), दिया चौधरी ( ३.९०) चिल्ड्रेन हेभनका सुप्रिया चौधरी ( ३.९०) , पवित्रा कुमारी वली (३.९०) र आइडियल माविका जनु के.सी.( ३.९०) लाई सम्मान गरिएको थियाे ।
कार्यक्रममा विशिष्ट अतिथि तथा दाङ प्याब्सनका अध्यक्ष मधुसूदन के.सी., प्याब्सन लुम्बिनी प्रदेश सदस्य वासुदेव रिजाल लगायतले मन्तव्य राखेका थिए ।
उपाध्यक्ष डम्वर डाँगीकाे स्वागत मन्तव्यबाट सुरू भएकाे कार्यक्रमकाे सहजीकरण सचिव विष्णु याेगीले गरेका थिए।
