मा प्रकाशित
नेपाल र बङ्गलादेशको अन्तर्राष्ट्रिय मैत्रीपूर्ण फुटबल आज हुँदै छ । खेल बेलुका साढे ५ बजेपछि दशरथ रङ्गशालामा सुरु हुँदै छ ।नेपाल र बङ्गलादेशबिच अहिलेसम्म २६ पटक खेल भएकोमा बङ्गलादेशले १४ खेल जितेको छ भने नेपाल ७ खेलमा विजयी भएको छ ।
५ खेल बराबरीमा सकिएको छ । नेपाल बगलादेशसँगका पछिल्ला चार खेलमा भने अपराजित रहेको छ । नेपाल र बङ्गलादेशले पछिल्लो पटक गत वर्ष साफ च्याम्पियनसिपमा खेलेका थिए ।
जुन खेल १–१ गोलको बराबरीमा सकिएको थियो । त्यसअघि दशरथ रङ्गशालामा भएको थ्री नेसन्स कपमा नेपालले बङ्गलादेशलाई २–१ ले हराएर उपाधि जितेको थियो । थ्री नेसन्स कपकै लिग चरणमा भने नेपाल गोलरहित बराबरी खेलेका थिए ।
