दाङ, ३० कार्तिक ।
दाङमा मंसिर १ गतेदेखि ५ गतेसम्म बिद्यालयमा बिदा हुने भएकाे छ ।
आसन्न प्रतिनिधि सभा तथा प्रदेश सभाकाे निर्वाचनमा सरकारले मंसिर ४ र ५ गते सार्वजनिक बिदा घाेषणा गरेकाे छ । दाङकाे सन्दर्भमा कतिपय सामुदायिक तथा संस्थागत बिद्यालयमा मतदान केन्द्र रहेकाे र मतदानका सामग्री ढुवानीमा बिद्यालयका यातायात समेत माग भई आएका कारण मंसिर १ देखि ५ गतेसम्म बिद्यालय बन्द रहने भएका हुन् ।
जिल्ला प्रशासन कार्यालय दाङले आज बुधबार एक सूचना जारी गरि जिल्लामा रहेका बिद्यालय १ गतेदेखि ४ गतेसम्म पठनपाठन बन्द गर्न व्यवस्था मिलाउन सबै स्थानीय तहलाई अनुराेध गरेकाे हाे । जिल्ला प्रशासन कार्यालय दाङका सहायक प्रमुख जिल्ला अधिकारी सावित्रा पुनद्वारा जारी सुुचनामा मंसिर १ देखि ४ गतेसम्म सामुदायिक तथा संस्थागत विद्यालयमा पठनपाठन बन्द गर्न व्यवस्था मिलाउन अनुराेध गरिएकाे हाे।
यसैबीच प्याब्सन दाङले पनि एक सुचना जारी गरी प्याब्सनमा आवद्ध विद्यालयहरूलाई मंसिर १ देखि ५ गतेसम्म पठनपाठन बन्द गर्न अनुराेध गरेकाे छ । प्याब्सन दाङका अध्यक्ष मधुसुदन केसी र सचिव आदिम केसीले एक सुचना जारी गरी साेही बमोजिम विद्यालयकाे पठनपाठन व्यवस्थापन गर्न सम्पूर्ण सदस्य विद्यालयलाई अनुराेध गरेका छन् ।
मंसिर ५ गते सार्वजनिक बिदा भएका कारण अब दाङमा मंसिर ६ गतेबाट मात्र पठनपाठन सुरू रहनेछन् ।
