तुलसीपुर,मंसिर २ ।
दाङमा चक्कु देखाएर अटोमा लुटपाट गर्ने दुई जनालाई प्रहरीले पक्राउ गरेको छ ।
पक्राउ पर्नेमा शान्तिनगर गाउँपालिका वडा नं. ४ जुम्ले कुला निवासी २६ वर्षीय गोविन्द केसी र तुलसीपुर ५ बसपार्क निवासी १९ वर्षीय आषिश परियार रहेका छन् ।
बिहीबार राती पौने १० बजेको समयमा शान्तिनगर गाउँपालिका वडा नं. ४ रानीवनको जंगलमा तुलसीपुर देखि जुम्लेकुला तर्फ जाँदै गरेको भे १ ह ५४४३ नं. को अटोलाई नियन्त्रणमा लिई चालकको साथबाट नगद २ हजार ९२० र मोबाईल लिएर भाग्दै गरेको अवस्थामा शान्तिनगर मतदान केन्द्रमा खटिएका प्रहरी निरिक्षक सौजन डाँगीसहित खटिएको प्रहरी टोलीले उनीहरुलाई नियन्त्रणमा लिएको हो ।
उनीहरुको साथबाट लुटिएको सबै सामान फेला पारेको ईलाका प्रहरी कार्यालय तुलसीपुरका प्रहरी निरिक्षक पर्वत केसीले जानकारी दिए ।
पक्राउ परेकाहरुलाई अहिले ईलाका प्रहरी कार्यालय तुलसीपुरमा ल्याईएको छ ।
