काठमाडौँ, १० माघ ।
बागमती प्रदेशले ३ वटा मन्त्रालय घटाउने निर्णय गरेको छ । हाल १४ वटा मन्त्रालयको सङ्ख्या घटाएर ११ वटा बनाउने निर्णय भएको मुख्यमन्त्री शालिकराम जम्कट्टेलले बताए । उनले अब छिट्टै मन्त्रीपरिषद् विस्तार हुने र आफ्नो मन्त्रीपरिषद्मा राज्यमन्त्री नराखिने बताए ।
मन्त्रालय घटाउन प्रमुख सचिव मुकुन्दप्रसाद निरौलाको संयोजकत्वमा गठित कार्यदलको प्रतिवेदन बुझ्दै उनले यस्तो बताए ।
मुख्यमन्त्री जम्कट्टेलले पुस २६ गते पदभार ग्रहण गर्दै प्रमुख सचिव निरौलाको संयोजकत्वमा १५ दिनभित्र प्रदेशको मन्त्रालयको अध्ययन गरेर सङ्ख्या निर्धारण गर्दै प्रतिवेदन बुझाउन निर्देशन दिएका थिए । कार्यदलले आज अन्तिम दिन प्रतिवेदन बुझाएको हो ।