कनिका खबर
असार २७, दाङ ।
शान्ति सेवा केन्द्रका संंयोजक कृति गिरी योगीले बालमैत्री समाज निर्माणका लागि अभिभावकले भूमिका खेल्नुपर्ने बताएकी छिन् ।
बालमैत्री वातावरण भएमा मात्र बालबालिकाहरुलाई सही मार्गमा लगाउन सकिने उनको भनाई थियो । सामाजिक तथा आर्थिक रुपान्तरणका लागि युवा समूहले आयोजना गरेको अनलाइन कार्यक्रममा ‘बालबालिकाहरुसँगै बाँच्न सिक्ने कला’ विषयक अन्तत्र्रिmया कार्यक्रममा यस्तो बताएकी हुन् ।
बालबालिकाहरुलाई अरुको संस्कृतिसँग रमाउने वातावरण सिर्जना गर्न सक्नुपर्ने उनले बताएकी थिइन् । यसले सबै बालबालिकाहरु एक आपसमा सहज रुपमा घुममिल हुनसक्ने उनले बताइन् । बालबालिकहरुमा रहने अहमता, जिद्दीपना हटाउन अभिभावकले चासो दिनुपर्ने गिरीले बताइएकी थिइन् ।
‘सबैले सबैलाई सम्मान गर्ने वातावरण निर्माण गर्न लाग्नुपर्दछ’ गिरीले भनिन् । यसले समाजमा सबैको सम्मान हुने उनको भनाई थियो । कार्यक्रममा ३० जना बालबालिकाको सहभागिता थियो । कार्यक्रम बालबालिका लक्षित रहेको थियो । कार्यक्रमको संयोजन इश्वर बस्नेत र सहजीकरण गणेश न्यौपानेले गरेका थिए ।
