कनिका संवाददाता
साउन १, संखुवासभा
संखुवासभाको शिलिचोङ् गाउँपालीका एक बेसिन्दामा असार २७ गते गएको पहिरो पिडीतलाई सङ्खुवासभा–अमेरिका जनसम्पर्क समितिले करिव दुई लाख रुपैयाँ सहयोग गरेको छ । संखुवासभा घर भई अमेरीकामा बिभिन्न पेशा ब्यवसायमा सङ्लग्न रहेका नेपालीले एक लाख ९७ हजार तीन सय ६८ रुपैयाँ सङ्कलन गरि पठाएको संखुवासभा–अमेरीका जनसम्पर्क समितिले जनाएको छ । पीडितलाई तत्काल राहत उपलब्ध गराउन उक्त रकम पठाइएको समितिका अध्यक्ष कृष्णराज गिरीले जानकारी दिनुभयो । अहिलेसम्म तीन लाख सात हजार तीन सय ६८ रुपैयाँ जम्मा भइसकेको र त्यसमध्येबाट आज पिडीतका लागि ७० हजार बराबरको अत्यावश्यक सामग्री खरिद गरि पठाइएको छ । असार २७ गते शिलिचोङ १ बेसिन्दामा गएको पहिरोमा परि ११ जना बेपत्ता छन् भने एकजनाको शव निकालिएको छ । पहिरोबाट ८२ घरधुरीका करिव चार सय घरपरिवार बिस्थापीत भएका छन् ।
मा प्रकाशित
