मा प्रकाशित
कनिका संवाददाता
साउन २, कैलाली
महालेखा परीक्षकको ५७ औं प्रतिवेदनमा कैलालीको जानकी गाउ“पालिकाका उपाध्यक्षले बजेट प्रस्तुत गरेवापत् १ लाख रुपैयाँ लिएको भन्ने तथ्यको गाउँपालिकाले खण्डन गरेको छ । गाउँपालिकाका अध्यक्ष प्रदिपकुमार चौधरीले हिजो पत्रकार सम्मेलन गरी महालेखाको प्रतिवेदनमा उल्लेख भएको दिनमा बैठक नभएको, आर्थिक वर्ष २०७५÷०७६ भरी गाउँपालिकाको उपाध्यक्षको लागि यस्तो सुविधा दिने कुनै निर्णय नभएको र लेखा परीक्षण टोलीले हालसम्म लेखेको रायमा यो विषय उल्लेख नभएको जानकारी दिनुभयो । महालेखा जस्तो संवैधानिक निकायबाट प्रस्तुत प्रतिवेदनमा गलत सूचना छापिएकोमा दुःखी भएको पनि गाउँपालिकाका अध्यक्ष चौधरीले बताउनुभयो ।
