कृष्णराज शाक्य
साउन २७, सङ्खुवासभा ।
बध गर्ने उदेश्यले सङ्खुवासभाको भोटखोला तर्फ लगिँदै गरेका गोरु प्रहरीले बरामद गरेको छ । होदाङ्ना चेक पोष्टले सङ्खुवासभाका विभिन्न क्षेत्रबाट सङ्कलन गरी काटमारका लागि भोटखोलाका विभिन्न स्थानतर्फ लैजाँदै गरेको अवस्थामा ३३ वटा चौपायाको उद्धार गरिएको छ । अवैध रुपमा चौपाया ओसारप्रसार भैरहेको जानकारीका आधारमा भोटखोला ५ का २४ वर्षका राजन तामाङ्ग र भोटखोला २ बस्ने २१ वर्षका छवाङ् भोटेलाई पक्राउ गरिएको हो ।
जिल्लाको चिचिला गाउँपालिका लगायत विभिन्न स्थानबाट उनिहरुले गाई गोरु संकलन गरि मासुजन्य प्रयोजनका लागि विक्री वितरण गर्ने गरेको आरोप लगाई पक्राउ गरिएको प्रहरीले जनाएको छ । बरामद चौपायालाई हेदाङ्नाबाट फर्काई चिचिला गाउँपालिकासँगको समन्वयमा ब्यवस्थापन गरि सम्वन्धीत घरधनीलाई बुझाउने सहमति भएको चिचिला गाउँपालिका अध्यक्ष पासाङनुर्वू शेर्पाले जानकारी दिए ।
मा प्रकाशित
