सिन्धुपाल्चोक पहिरो अपडेट : पहिरोमा मृत्यु भएका ११ जनाको सनाखत, अन्यको खोजी हुँदै

कनिका खबर
साउन ३१, सिन्धुपाल्चोक ।
जुगल गाउँपालिका–२ लिदीमा हिजो बिहान गएको पहिरोमा परि मृत्यु भएका ११ जनाको सनाखत भएको छ । जिल्ला प्रहरी कार्यालय सिन्धुपाल्चोकका अनुसार मृत्यु हुनेमा पुरुष २ जना, महिला ४ जना र बालबालिका ५ जना छन् । पहिरोमा परेका २७ जना अझै बेपत्ता छन् । मृत्यु हुनेमा प्रिती दोङ, धन माया दोङ, टीका माया दोङ, छिरिङ दोङ, जिताई झाक्री, मिलन दोङ, सानु दोङ, जयबहादुर दोङ, दावा ल्हामु दोङ, तारल्हमो दोङ, र रिमेक्स दोङ रहेका छन् । आज बिहानैबाट सेना प्रहरी र स्थानीयले पहिरोमा पुरिएकाको खोजी गरिरहेको प्रमुख जिल्ला अधिकारी उमेश कुमार ढकालले जानकारी दिए ।