कनिका खबर
भदौ ४, कालिकोट
कालिकोटमा जातिय विभेद गरी कुटपिट गर्ने चार जना पक्राउ परेका छन् । जिल्लाको शुभकालिका गाउँपालिका ८–का पदम विकका २२ वर्षका छोरा पंख विकलाई जातीय विभेद गरी कुटपिट गर्ने स्थानीय चार जनालाई पक्राउ गरिएको जिल्ला प्रहरी कार्यालय कालिकोटले जनाएको हो । पक्राउ पर्नेमा शुभकालिका गाउँपालिका पाँच निवासी २६ वर्षका कमल शाही, २७ वर्षका युवराज शाही, वडा नम्बर ६ का २२ वर्षका अर्जुन शाही, वडा नम्बर आठका १९ वर्षका दिनेश सेजुवाल रहेका जिल्ला प्रहरी कार्यालय कालिकोटका प्रमूख, प्रहरी नायव उपरिक्षक, डिएसपी श्यामबाबु ओलीयाले जानकारी दिनुभयो । उहाँका अनुसार उनीहरु विरुद्ध जातीय भेदभाव तथा कुटपिट मुद्धा दर्ता गरी जिल्ला अदालत कालिकोटबाट १५ दिन म्याद थप गरिएको छ । घटनाको बारेमा विस्तृतरुपमा अनुसन्धान सुरु गरिएको डिएसपी ओलीयाले बताउनुभयो ।
शुभकालिका गाउँपालिका सात मच्चेबारीमा रहेको मष्टो धवलपुराको मन्दिरमा साउन २६ गतेको पूजामा दर्शन गर्न जाँदा बीच बाटोमा दलित भएर देवताको दर्शन गर्न जाने भन्दै दुव्र्यवहार गरी विकमाथी कुटपिट भएको थियो । घाइते विकका बुवाले दिएको जाहेरिका आधारमा उनीहरुलाई पक्राउ गरिएको प्रहरीले जनाएको छ । पीडित विकको खुट्टा र शरीरका विभिन्न भागमा निल डाम देखिएका छन् ।
