कनिका खबर
भदौं ८, भक्तपुर
भक्तपुरमा कोरोना सङ्क्रमितहरुको सङ्ख्या दुई सय ७३ पुगेको छ भने दुई जनाको मृत्यु भएको छ । सङ्क्रमितमध्य एक सय १० महिला र १ सय ६३ पुरुष छन् । मृत्यु हुनेमा सूर्यविनायक नगरपालिका एक पुरुष र एक महिला छन् । भक्तपुरका सङ्क्रमितमध्ये सबैभन्दा धेरै मध्यपुर थिमि नगरपालिकामा छन् ।
जिल्ला स्वास्थ्य कार्यालय भक्तपुरका अनुसार मध्यपुर थिमि नगरपालिकामा ९९, भक्तपुर नगरपालिकामा ३६, सूर्यविनायक नगरपालिकामा ७३ र चाँगुनारायण नगरपालिकामा २० जना सङ्क्रमित छन् । भक्तपुर रहेका सङ्क्रमितमध्ये १७ जना खरिपाटी क्वारेन्टाइनका छन् भने बाँकी सशस्त्र प्रहरी बल गुह्येश्वरी गणका जवानहरु छन् ।