दोस्रो एकदिवसीय अन्तराष्ट्रिय क्रिकेटमा नेपालले पपुवा न्युगिनीसँगको दोस्रो खेलमा ब्याटिङ गरिरहेको छ । ओमानको अल अमरेत मैदानमा टस जितेर नेपालले पहिले ब्याटिङ रोजेको हो ।
यो खबर तयार पार्दासम्म नेपालले १८ ओभरमा २ विकेट गुमाएर ६८ रन बनाएको छ । यसअघि पहिलो खेलमा नेपाल२ विकेट विजयी भएको थियो । इङ्ल्यान्ड र भारतबीतको पाँचौं तथा अन्तिम टेस्ट रद्द भएको छ।इङ्ल्यान्ड भ्रमणमा रहेको भारतीय क्रिकेट टोलीका केहीमा कोरोना सङ्क्रमण पुष्टि भएपछि आजदेखि सुरु हुने भनिएको खेल रद्द गरिएको हो।
सिरिजको अन्तिम तथा निर्णायक टेस्ट खेल रद्द हुँदा नतिजा भने टुङ्गो लागेको छैन। सिरिजको पहिलो टेस्ट बराबरीमा सकिएको थियो भने दोस्रो टेस्टमा भारत विजयी भएको थियो । यस्तै तेस्रो टेस्ट इङ्ल्यान्डले जित्दा चौथो टेस्टमा भारतले जित दर्तागरेको थियो ।