एक बुँद शुरा

एक बुँद शुरा
सिरपमा घोलिएर
संजिवनी बुटीको रूपमा
उपचारात्मक प्रभाव प्रदान गर्छ
के यो अमृत जल हो
जसले अमरत्व दिन्छरु
एक बुँद शुरा
अँध्यारो झुपडीमा झुन्डिएको
लालटिनको वातीसँगै जलेर
अन्धकारलाई चिर्दै रोशनीमय हुन्छ
के यो दिव्य ज्ञान होरु
एक बुँद शुरा
दुःखद क्षणहरूमा
सुखदायक बामको रूपमा
जलेको आत्मालाई सान्त्वना दिन्छ
वैरागी मनलाई वहलाउने
के यो सुमधुर सारंगी होरु
एक बुँद शुरा
अतृप्त तन र मनहरुको
मधुमासको उत्सवहरुमा
वर्षाईदिन्छ परमानन्दको तान्डव
के यो डियोनिसस कामदेव होरु
एक बुँद शुरा
अन्ततः कलेजी काटेर
मन्द विष सरी
जिवनलाई घाटमा उतारिदिन्छ
के यो शैतानी विष होरु
मानवताको निम्ति अभिशापरु

*********